fbpx

Puisi Tegalan : Bebrayan Karo Kang NurSholeh (karya: Fikri Yakher)

Karya: Fikri Yakher (Abdul Fikri Faqih, Anggota DPR RI dari PKS)

Laka sing pada ngarti
bisane Kang NurSholeh
ndisiti balik
gagiyanan

Kafa bilmaoti maoidhotan
Cukup mati kuwe nggo nein nasehat
sing niti kauripan

Sadurunge kodrah lurah Tegal
nyong ketemu sampeyan

Sawise kodrah ya nyong ketemu rika
nang warung Pian

Sing dadi wong liya
tapi panjenengan esih gelem ketemu,
atiku eram

Bisa dadi pejabat,
bisa dadi kanca debat
malahan gaya kaya sastrawan

Aku nembe ngerti
yen kekancan kuwe
ora mukur angger ana karep
karo liyan

Aku nembe sadar
yen kekancan kuwe
ora kena pedot
gegara beda pilihan

Kang Nur Sholeh lair batin
dunia akhirat kena dinggo bebrayan

Jasade wis dikubur
tapi nyawane esih bisa terus diajak kekancan

Muga muga Gusti Allah
kerso paring rahmat
kanggo wong kang ora pedot paseduluran

Mbayuh terus ndonga dinonga
ben mengko ketemu pada bareng
njaluk pitulungan

Amin.

23-8-2020

Pejagan – Pengadegan.

Komentar
Spread the love

Tinggalkan sebuah komentar

Alamat email Anda tidak akan dipublikasikan. Ruas yang wajib ditandai *